۲۰۲۴م د پاکستان دپاره له امنیتي لحاظه د مشکلاتو کال و. په دې کال کې نه یوازې د هېواد په امنیتي ځواکونو بلکې په چینایي شهریانو هم خونړي بریدونه وشول او څېړنکاران وايي د دې بريدونو په نتيجه کې راپورته شوې اندېښنې د چین او پاکستان دپاره مشکل جوړ شوی دی.
څېړنکاران وايي په ۲۰۲۴م کال کې که يو خوا په پاکستان کې په مجموعي توګه د تشدد او ترهه ګرۍ پېښې زياتې شوې وې نو بلخوا په چينايي وګړو بریدونو چين او پاکستان دواړه اندېښمن کړي وو.
۲۰۲۴ م کال کې په شپږويشتم مارچ د خېبر پښتونخوا په بشام کې په چينايي انجنيرانو تر سره شوی ځانمرګی بريد کې چې د پينځه چينايي وګړو په شمول شپږ تنه ووژل شول او هم دا ډول په شپږم اکتوبر کراچۍ کې د جينايانو پوه بله قافله هم په نښه شوه چې په دغه برید کې دوه چینايي وګړي ووژل شول.
څېړنکاران وايي په بلوچستان صوبه کې بلوڅ وسله والو له لوري د سي پېک په ضد فعاليتونه داسې دي چې د چينايانو د سېکورټۍ په اړه يې اندېښنې زياتې کړې دي.
د بشام ځانمرګې بريد وروسته د ترهه ګرۍ مخ نيوي ادارې ووېل دغه بريد کې ککړ تنان يې نيولې دي او هم دا ډول د کراچۍ په چيناپانو بريد کې ککړ د پينځه ترهه ګرو د نيولو دعوا يې هم کړې ده.
په چينايانو ۲۰۲۴م کې د بریدونو په اړه چين د خپلو وګړو د حفاظت په حقله اندېښنې څرګندې کړې.
د پاکستان تر مخه، ورانکاري د سي پېک منصوبه ناکامولو دپاره دغه هسې کوي خو دوی به داسې ډلې دې ته پرې نږدي.
څېړنکاران وايي د پاکستان له لوري چې چينايانو دپاره د سېکورټۍ په اړه ګامونه هم پورته شوې دي خو د چين له لوري د سي پېک منصوبې دپاره ټاکلې هدف لاس ته کول هم يو چېلنج جوړ شوی دی.
Forum